Academy ki yaadein written by Ishi Gill

Academy ki yaadein written by Ishi Gill

Academy ki yaadein written by Ishi Gill

"اکیڈمی کی یادیں"

از_ایشاء_ گل

مجھے آج بھی یاد ہیں وہ دن

جب ہم ایک چوکور کی طرح ساتھ تھے

ہونٹوں پر مسکراہٹیں اور ہاتھوں میں ہاتھ تھے

دل کے نادان تھے مگر سب کے لئے محال تھے

مجھے یاد ہیں وہ دن

وہ ہمارا چھت پر جانا

بارش میں دیر تک بھیگنا

کپڑے کمفرٹ اور چھت کو رگڑ رگڑ دھونا

تیری میری باری کرتے برتنوں کو دھونا

چاۓ بنانا اور آدھی خود پی جانا

سیڑھیوں پر بیٹھ کر ڈھیروں باتیں کرنا

اور چھپ چھپ کر ناولز پڑھنا

چھت پر جا کر ٹک ٹاک بنانا اور پھر

خود کو دیکھ کر ہنسنا اور ہنسانا

وہ لڑنا جھگڑنا اور پھر سے ایک ہو جانا آدھی آدھی رات تک

دن بھر کی روداد دہرانا

وہ گروپ میں ایک دوسرے کی ٹانگ کھینچنا

سب کے نام بگاڑ کر خوب دیر تک ہنسنا

مگر پھر بھی سب کے دلوں میں بسنا

رٹا لگا کر پڑھائی سے دور بھاگنا

اور پھر امتحانات میں ایک دوسرے سے ریس لگانا

امتحان ہوتے ہی اگلے دن پھر سے ٹپک پڑنا

بیگ بند کیے کچھ دن ایسے ہی گزار دینا

گھر سے آئے روز ڈھیروں کھانا لانا

اور پھر چھین چھین کر کھانا

وہ شوق سے بچوں کو اٹھا کر سنبھالنا

اور پھر تنگ آکر دوسرے کی گود میں بیٹھا دینا

وہ ٹیسٹ میں بہن چارہ دکھانا

پھر مصنوئی کالر اچکا کر فخریہ کہنا

یہ بھی حفظ ہے اور یہ بھی ذہن نشیںں

اور پھر سب کی ہنسی پر منہ لٹکا کر بیٹھ جانا

وہ ایک کا جھاڑو لگانا تو دوسرے کا گند پھیلانا

وہ گھنٹوں بیٹھ کر موبائل تھامے

اپنے اپنے کرش کو تکنا

نماز کے لئے جانا اور پھر واپس آنا بھول جانا

وہ پانی کے پائپ اور وائپر سے

ایک دوسرے پر چھینٹیں اڑانا

بارش کے پانی میں پھسل پھسل گرنا

ہاتھ بڑھا کر اٹھانے کی بجاۓ مزید گرانا

کسی چوکیدار کی طرح بیٹھ کر دوسروں کو

اونچی اونچی آوازیں لگانا

وہ سبق سناتے وقت کی غیر سنجیدہ حرکتیں کہ

ایک دوسرے کے کانوں میں پھل جھڑیاں چھوڑنا

وہ جب ہم سب کی تعریف ہونا اور ہمارا پھول پھول سمانا

پہلے خود گھر جاتے جاتے شام بجانا

اور پھر گھر والوں کے آتے ہی بھاگ بھاگ کر گیٹ پر جانا

وہ آرٹ ورک کرنا اور

گرم گرم گلو سے ایک دوسرے کے ہاتھوں کو جلانا

سوری کرنے کے بعد پھر سے اپنی اوقات پر آجانا۔

پارٹیز میں سب سے الگ رہ کر دھوم مچانا

سلفیاں لے لے کر موبائل کی بیٹری گرانا

کچھ کاموں سے جان چھڑوانے کی خاطر اپنا ہنر چھپا کر

خود کو نکما ظاہر کرنے کو بھی ایک ہنر قرار دینا

کبھی کبھی جب ہماری کلاس لگنا تو

ہمارا ہنس کر استاد کا موڈ خوش گوار کر دینا

وہ پیزا برگر اور بریانی پارٹی

میری 7up اور تیری کوک کی دہائیاں

۔Sting پینا اور خالی بوتل بیگ میں چھپانا

چیزیں کھا کر ریپر ایک دوسرے کے بیگ میں گھسانا

ایک دوسرے کے موبائل پر غلط سیٹنگ لگانا

اپنی آئس کریم چھوڑ کر

دوسروں کی کھانا اور اپنی چھپانا

کسی چھوٹے بچے کی طرح

جوس کے خالی ڈبوں کے پٹاخے بجانا

سر درد کا بہانہ کر کے پینا ڈول منگوانا

اور پھر کھانے کی بجاۓ سر دبوانا

وہ ایک دوسرے کے منہ پر کھینچ کھینچ تھپڑ لگانا زیادہ زور سے تو نہیں لگی یہ کہہ کر

منانے کی بجاۓ ایک اور لگانا

وہ استاد کی غیر موجودگی میں بیڈ پر بچھ جانا

اور ایک دوسرے کی گود میں سر رکھ کر

پرانی باتیں دوہرانا

وہ آئینہ صاف کرتے ہوئے

ہاتھوں کے نشانات بنانا

وہ دوسروں کے باتھ روم جانے پر

ہمارا لائٹ بجھانا

ایک دوسرے کو ذلیل کرنا اور پھر کسی دوسرے کی

مداخلت کرنے پر ایک دوسرے کی حمایت میں مرے جانا

وہ ایک دوسرے کی بکس چھپانا

اور چھپا کر خود ہی بھول جانا

چھپ کر ایک دوسرے کی چیزیں بدلنا

اور کسی کے پوچھنے پر خود کو لاعلم ظاہر کروانا

سہانے موسم میں چھت پر جا کر سوکھے کپڑے اتارنا

اور اسی چکر میں موسم انجوئے کرتے

آدھا دن وہیں بیتا آنا

۔I'm the best کہہ کر ایک دوسرے کو چرانا

ایک دوسرے کو ٹیگ کر کے وہ

فیسبک اور انسٹا پر فنی فنی پوسٹ لگانا

وہ ایک دوسرے کا الزام اپنے سر لینے کی بجاۓ

خود کا قصور بھی دوسروں کے کھاتے میں ڈال دینا

گزرے قیمتی لمحوں کی یادوں کو اپنے دل میں بسانا

یارو ہمارا ساتھ تھا بہت ہی پرانا

خود کا بس چلتا تو جان تک کو پہنچ جاتیں

کوئی اور ہاتھ لگاتا تو ہاتھ توڑنے کو تیار تھیں

یارو ہماری دوستی واقعی بے مثال تھی

آج ان یادوں کو ڈائری قلمبند کرتے ہوئے آنکھوں سے بےاختیار آنسو بہہ نکلے۔دل ایسے محسوس ہوا جیسے کسی نے مٹھی میں جھکڑ کر بےبس کر دیا ہو۔کون کہتا ہے صرف محبت ہی رلاتی ہے۔دوستوں کے ساتھ گزاری حسین یادیں بھی تڑپا کر رکھ دیتی ہیں۔جب یہ سوچ آتی ہے کہ وہ پل اب شائد ہی کبھی لوٹ کرآئیں۔لفظ شائد نکالتے ہوئے آواز حلق میں اٹک جاتی۔زندگی میں دوست تو بہت ملتے ہیں مگر بہت کم دوست ہوتے ہیں جن میں زندگی ملتی ہے۔کچھ یادیں آج بھی عملی طور پر دوہرائی جاتی ہیں مگر بہت فرق آگیا اور سب سے بڑا فرق وہ چوکور کے چار کونے تھے جن میں سے دو الگ ہوگئے۔وہ جگہ بھی جہاں یہ یادیں بستی تھیں۔جن میں جان بستی تھی وہ اب کہیں اور جا بسیں بس خدا سے دعا ہے کہ وہ ان ان کو ہمیشہ ہنستا بستا رکھے۔آمین

ایشاء گل