Teri Chah Mein Romantic Novel By Mehwish Ghaffar
Teri Chah Mein Romantic Novel By Mehwish Ghaffar
مجھے یہاں قید کرکے کیا ثابت کرنا چاہتی ہو تم نا سمجھ لڑکی
،، مجھے کیڈنیپ کرکے تم مجھے حاصل کرلو گی تو یہ تمہاری بھول ہے ،، کرسی کی پشت سے
باندھے ہاتھوں کو کھولنے کی مذمت کرتا ہوا وہ غرلایا تھا ۔
جبکہ وہ اپنے مخروطی انگلیوں کے بڑھے ناخنوں کے ساتھ کھیلتی
ہوئی مسکرائی تھی ،،
کم از کم اپنی یہ زہریلی مسکراہٹ نا دیکھاؤ مجھے ،، وہ کلس
کر بولا تھا جس پر وہ اٹھ کر اس کے پاس آئی تھی ۔
اووو میرا بے بی ناراض ہورہا ہے مجھ سے ،، اس کے گہرے براؤن
بالوں میں ہاتھ چلاتی ہوئی وہ اس کا ضبط آزما رہی تھی ۔
بکواس بند رکھو اپنی ،، وہ نفرت سے پھنکارا تھا جس پر وہ پل
بھر کے لیے ڈھیلی پڑی تھی مگر اگلے ہی پل وہ مسکرا کر بولی تھی ۔
میری باتیں تمہیں بکواس لگ رہی ہیں ،، مگر جب کچھ عرصہ تم
میرے ساتھ گزارو گے تو تمہیں میری باتیں بکواس نہیں لگے گی ،، اس لے گھٹنوں پر ہاتھ
رکھ کر بیٹھی ہوئی وہ سنجیدگی سے کہہ رہی تھی جس پر مقابل نے اسے نخوست سے دیکھا تھا
۔
کیوں نفرت کرتے ہو مجھ سے اتنی کیا میں اس قابل بھی نہیں ہوں
کہ کوئی مجھ سے محبت کرسکے ،، وہ بالآخر پوچھ ہی گئی تھی ۔
میں شادی شدہ ہوں ،، ٹھوس جواز بتاتا ہوا وہ سختی سے بولا
تھا جس پر وہ ہنسی تھی ۔
اسلام میں مرد کو چار شادیوں کی اجازت ہے ،، لاجواب کرتی ہوئی
وہ اسے حیران کرگئی تھی ۔
دو بچے ہیں میرے،، وہ کیسے بھی اسے پیچھے ہٹانے کے در پے تھا
جو مضبوط چٹان کی مانند اپنے فیصلے پر ٹکی ہوئی تھی ۔
تمہارے بچے میرے بچے ،، وہ بے بس ہوا تھا اپنا ماتھا پیٹ بھی
تو نہیں سکتا تھا اس سر پھری کی باتوں پر ۔
تم کس مٹی کی بنی ہو آخر،، وہ زچ آیا تھا ۔
محبت کی اس مٹی سے جو محبت کی خواہش کرتی ہے پر اسے ملتی نہیں
ہے ۔ کہتے ہی اس کی آنکھیں نم ہوئی تھی ۔
جس پر وہ اس کے چہرے پر سے نگاہیں پھیر گیا تھا ۔