Mera Sitamgar Mera Mehram Romantic Novel By Hamna Tanveer Episode 19
Mera Sitamgar Mera Mehram Romantic Novel By Hamna Tanveer Episode 19
"ایک ہی پیغام کئی بار آیا
تھا۔ میں تم سے ملنا چاہتا ہوں بس ایک بار۔"
مروہ تشویش زدہ سی لب کاٹنے
لگی۔
"تم کیوں بضد ہو رہے ہو؟"
اس نے بےچینی کے عالم میں میسج بھیجا۔
"اگر تم چاہتی ہو کہ میں ثنیہ
سے شادی کر لوں تو میرے سامنے آ کر کہو یہ بات۔ میں دیکھنا چاہتا ہوں راستہ بدلنے کے
بعد لوگ کیسے دکھتے ہیں۔" اس کے لفظوں کا کرب محسوس کرتی وہ آنکھیں موند گئی۔
"زین عمار مجھے نہیں چھوڑے
گا اور اس سے زیادہ لڑنے کی سکت مجھ میں نہیں ہے کیونکہ اس پر کسی بات کا کوئی اثر
نہیں ہوتا۔" اس نے بےبسی سے بھری نگاہ اسکرین پر ڈالی اور چہرہ اٹھا کر سرد آہ
بھرنے لگی۔
"آخری بار ملنا ہے مجھے۔"
پھر سے وہی ہٹ دھرم انداز۔
وہ دانت پیستی فون بند کرنے
لگی۔
"کیوں مجھے مشکل میں ڈال رہے
ہو؟ مجھے نہیں پتہ میرا دل کب باغی ہوا؟" وہ کھوےُ کھوےُ انداز میں کہتی کب عمار
کی جانب آئی اسے شاید خود بھی احساس نہیں ہوا۔
"میں شاید عمار کی موجودگی
کی عادی ہو گئی ہوں۔ اس کی توجہ کی۔" اس نے اپنا دل ٹٹولتے ہوےُ مناسب جواب خود
کو دینا چاہا۔
"محبت نہیں ہے یہ۔" تیزی
سے اپنی سوچ کی نفی ہوئی تھی۔
"بس اس کے احسانات کے باعث
ہے۔ جو مجھ پر اور میری فیملی پر اس نے کیے۔" مبہم سی آواز میں کہتے ہوےُ اس نے
ہاتھ بڑھا کر عمار کے بال پیشانی سے ہٹاےُ اور بیڈ کے کنارے پر ہی بیٹھ گئی۔
"شاید دل مان چکا ہے کہ تمہارے
ساتھ ہی رہنا ہے مجھے۔" اس نے مصنوعی خفگی سے عمار کو گھورا۔
"شاید اس لیے کہ مجھے جاب دلوائی تم نے۔" اپنی بےربط باتیں اسے خود بھی سمجھ نہیں آ رہی تھیں بس جو منہ میں آ رہا تھا بولتی جا رہی تھی، شاید خود کو مطمئن کرنے کی سعی کر رہی تھی۔
ان سب ویب،بلاگ،یوٹیوب چینل اور ایپ والوں کو تنبیہ کی جاتی ہےکہ اس ناول کو چوری کر کے پوسٹ کرنے سے باز رہیں ورنہ ادارہ کتاب نگری اور رائیٹرز ان کے خلاف ہر طرح کی قانونی کاروائی کرنے کے مجاز ہونگے۔
Copyright reserved by Kitab Nagri
ناول پڑھنے کے لیے نیچے دیئے گئےامیجز کلک کریں 👇👇👇
